UN EMBLEMA NOBO TA KÒRSOU

TA importante pa identifiká kiko tur, di bèrdat, ta laga nos sinti nos mes parti di Kòrsou. Ku kiko nos ta identifiká nos mes? Kiko ta hasi nos orguyoso i kon nos ke presentá nos mes na otronan? Pa visualisá kiko realmente pa nos TA KÒRSOU, Gobièrnu di Kòrsou a tuma e desishon pa kambia e eskudo aktual di Kòrsou den forma di un trayekto partisipativo, pa un emblema ku ta duna nos tur e sentimentu ku e TA KÒRSOU. 

Kiko nos ke men ku un trayekto partisipativo? Tur hende riba 12 aña* por diseña nan propio emblema ku por bira e Emblema Nashonal ku ta identifiká Kòrsou. E hurado, Komishon Emblema Nashonal Kòrsou, ta hasi un promé selekshon di tur diseño ku ta drenta i for di eseinan pueblo di Kòrsou ta vota riba su diseño preferí. 

Asina henter Kòrsou por partisipá pa yega na un Emblema Nashonal ku ta inspirá nos di TA KÒRSOU. 

E TRAYEKTO PA YEGA NA UN EMBLEMA NOBO