|
- Un boto di piskadó:
Esaki ta representá nos hendenan komo trahadónan humilde, ku tur dia di nobo den un forma humilde i digno ta lanta bai traha pa nan pan di kada dia i un mihó mañan.
- E parti ariba di nos Pòntòn brùg:
Nos brùg ku mundialmente ta keda rekonosé, nos orguyo.
Turístiko, esaki den diferente tono di kolo: representando e diversidat di talento, kreatividat i ambishon ku tin riba nos isla, pero formando 1 komunidat.
- Un datu i un para:
Representando Kòrsou su flora i founa.
I den e totalidat di e emblema bo ta mira e bandera di Kòrsou ta bini bèk dilanti:
Nos bandera, ku nos ta asina orguyoso di dje. Bo ta mira e rònchi abou huntu ku e boto ta koló blou, di laman, e strepi hel ku ta nos solo i ariba e mitar rònchi ku ta parti di e Pòntòn brùg ku ta kuminsá bèk ku e koló blou di nos shelu blou i di e forma aki trese nos bandera bèk den nos emblema.
- Dos strea blanku:
Meskos ku den nos bandera representando Kòrsou i Klein Kòrsou
- Un banner ku e teksto ‘ Mi pais, mi orguyo’:
Kada un di e símbulonan akí tin un kos ku ta bini bèk kada bes dilanti i esei ta kon orguyoso nos ta di nan i di nos pais. Nos hendenan trahadó humilde, nos brùg, nos bandera, kreatividat di nos hendenan, e manera kon diferente yu di Kòrsou ta destakando den diferente talento no solamente na Kòrsou mes pero tambe na diferente kaminda den eksterior. Nos Pòntòn brùg ku kada bes di nobo ta keda usá komo splikashon di loke nos pais ta karga. Nos naturalesa bèrdè, solo, laman i shelu blou i finalmente nos bandera.
Den un frase: Mi pais, mi orguyo! Kòrsou
|
