Kaminda Mi Lombrishi Ta Derá

Mi emblema su forma ta rondó kual ta un inspirashon basá riba e forma di nos florin.
P'esei e tin un rant afó koló di oro.
E emblema ta partí na dos pida, un banda robes i un banda drechi. E parti robes ta reflehá nos solo, nos laman karibe ku ta rondoná nos i e streanan grandi i chikitu ta simbolisá Kòrsou i Klein Kòrsou. E parti robes tin kolónan di nos bandera. 

Na e banda drechi mi a skohe nos palu di datu pa duna honor na dje. Mi a pone e palu di datu akí komo símbulo di nos pueblo. Esaki komo ku e ta un palu ku den sekura no ta muri fásil, e ta chupa awa i warda pa tempu di sekura, álabes paranan sa sasia nan set dor di pik den dje pa haña awa i su frutanan ta sirbi komo kuminda pa nan.

Ku esaki mi ke mustra kon nos isla por pasa den tur sorto di kos, pero komo ku nos ta traha dam i warda awa manera e palu di datu, nos por sobrebibí tur tipo di sekura i kontratempu i duna nos rumannan un man. Riba e palu di datu mi a pinta un trupial, kual ta un para masha bunita di Kòrsou ku ta biba den nos mondinan. Riba e rant di mi emblema mi a pone un slogan ku mi a traha siendo un siudadano Yu di Kòrsou orguyoso di su isla:

Mi Isla. Mi Orguyo. Mi Patria

KAMINDA MI LOMBRISHI TA DERÁ

Blou = laman 
Hel = solo 
Blanku = pas i trankilidat 
Oro = balor 
Bèrdè = palu di datu